मङ्गलबार, ०९ भदौ २०८३
हङकङ सुपर सिक्सेस : अस्ट्रेलिया माथि नेपालको शानदार जित
काठमाडौँ । नेपालले ‘हङकङ सुपर सिक्सेस’ को दोस्रो खेलमा अस्ट्रेलियालाई ११ रनले पराजित गरेको छ । नेपालले दिएको ११२ रनको लक्ष्य पछ्याएको अस्ट्रेलियाले ५ विकेट गुमाएर १ सय रन मात्र बनायो । अस्ट्रेलियाका ज्याक उडले १२ बल ५० रन बनाए ।
नेपालका लागि प्रतिश जिशीले ३ तथा लोकेश बम र विवेक यादवले एक एक विकेट लिए । त्यस अघि नेपालले अस्ट्रेलियालाई ११२ रनको लक्ष्य दिएको थियो। नेपालका लागि सन्दीप जोराले अर्धशतक प्रहार गरे । १६ बल खेलेका उनले ५१ रन बनाएर खेलको नियम अनुसार रिटायर्ड हर्ट भए ।
यस्तै लोकेश बमले १३ बलमा ३३ रन बनाए। अस्ट्रेलियाका ज्याक हुडले २ विकेट लिए । पहिलो खेलमा नेपालले इ्रग्ल्याण्डलाई ६ विकेटले पराजित गरेको थियो ।
हङकङ सिक्सेसमा नेपाल एक खेलअघि नै क्वार्टरफाइनल प्रवेश गरिसकेको थियो। यो जितसँगै नेपाल समूह विजेता बनेको छ ।
सम्बन्धित खबर
