रेस्टुरेन्टको खाजामा साङ्ला, तीन लाख रुपैयाँ जरिबाना

काठमाडौं । काठमाडौँ अनामनगरस्थित सिलौटो रेस्टुरेन्टको खाजामा साङ्लो भेटिएपछि वाणिज्य आपूर्ति तथा उपभोक्ता संरक्षण विभागले तीन लाख रुपैयाँ जरिबाना तिराएको छ । 

सोमवार ट्रक व्यवसायी महासङ्घकाले आयोजना गरेको पत्रकार सम्मेलन कार्यक्रमको खाजामा साङ्लो भेटिएको थियो । 

खाजामा साङ्लो भेटिएपछि वाणिज्य आपूर्ति तथा उपभोक्ता संरक्षण विभागले सिलौटो रेस्टुरेन्टलाई तीन लाख रुपैयाँ जरिमाना तिराइएको विभागका सूचना अधिकारी डिक बहादुर कार्कीले जानकारी दिए । 

‘सोमवार दिउँसो भएको एक कार्यक्रममा वितरण गरिएको खाजामा किरा भेटिएको उजुरी आएको थियो । हाम्रो अनुगमन टोली किरा भेटिएको पुष्टि गरेपछि तीन लाख रुपैयाँ जरिमाना गराएका छौं,’ कार्कीले भने । 

साङ्लो वा अन्य किरा फेला परेको हो भन्ने विषयमा रेस्टुरेन्टका संचालकलाई सम्पर्क गर्दा उनी यसबारे बोल्न चाहेनन् ।