सोमबार, १५ भदौ २०८३
पर्यटन व्यवसायी प्रेम घलेको निधन
काठमाडौँ । पर्यटन व्यवसायी प्रेम घलेको ४८ वर्षको उमेरमा निधन भएको छ । उनको उपचारको क्रममा हेम्स अस्पतालमा निधन भएको हो । घले केही महिनादेखि ब्लड क्यान्सर लागेर अस्पताल भर्ना भएका थिए । घलेको पार्थिव शरीर श्रद्धाञ्जलीका लागि उनको निवासमा राखिएको छ । उनको दाहसंस्कार गुरुङ संस्कारअनुसार सोमवार गरिने पारिवारिक स्रोतले जनाएको छ ।
घले सक्सेस ट्राभल्सका संचालक हुन । उनले ट्राभल्ससङ्गै अन्य व्यवसाय पनि सञ्चालन गर्दै आएका थिए ।
नेपालमा गुणस्तरीय पर्यटक भित्राउनुका लागि उनको महत्वपूर्ण योगदान रहेको पर्यटन व्यवसायीहरूको भनाइ छ । घलेको निधनसङ्गै नेपालले एक सफल युवा पर्यटन व्यवसायी गुमाएको छ । उनको निधनमा विभिन्न ट्राभल्ससङ्ग सम्बन्धित संघ संस्था र पर्यटन व्यवसायीहरूले दुख व्यक्त गरेका छन ।
सम्बन्धित खबर
