सोमबार, १५ भदौ २०८३
बेलायती राजकुमार दम्पतीले राष्ट्रपतिलाई भेट्दै
काठमाडौँ । नेपाल भ्रमणमा आइपुगेका बेलायती राजकुमार दम्पती एक सातासम्म नेपालमा रहने भएका छन् । मंगलबार बिहान काठमाडौँ उत्रिएका बेलायती रानी एलिजाबेथ द्वितीयाका कान्छा सन्तान अर्थात् वर्तमान राजा चाल्र्स तृतीयाका कान्छा भाइ राजकुमार एडवार्ड र राजकुमारी सोफिया राष्ट्रपति रामचन्द्र पौडेलसँग विशेष भेट गर्ने कार्यक्रम रहेको छ ।
त्रिभुवन अन्तर्राष्ट्रिय विमानस्थलबाट सोझै लइनचौरस्थित बेलायती दूतावास गएका थिए । उनीहरूले आज दिउसो नै शीतल निवास पुगेर राष्ट्रपति रामचन्द्र पौडेललाई भेट गर्ने कार्य तालिका रहेको नेपालस्थित बेलायती दूतावासले जनाएको छ ।
६ दिनको नेपाल बसाइका क्रममा उनीहरू पोखराको ब्रिटिस गोर्खा क्याम्पमा आयोजना हुने एक विशेष समारोहमा सहभागी हुने तर अन्य स्थानको भ्रमणबारे टुंगो लागिनसकेको दूतावासले जनाएको छ । उनीहरू २७ गते साँझ स्वदेश फर्किने तालिका छ ।
सम्बन्धित खबर
