धरानमा पक्राउ परेका छ जना बन्दकर्ता रिहाइ, भव्य स्वागत गरियो

धरान । धरानमा बन्द गर्ने क्रममा पक्राउ परेका छ जना बन्दकर्ता रिहा भएका छन । जसपा नेपालका धरान नगर उपाध्यक्ष सुमन चेमजोङ सहित दिवस राई, सरिल घले,  किशन राई, योगेश तामाङ, सन्दिप लिम्बुलाई हिजो साँझ रिहाइ भएको हो ।

ताप्लेजुङ मुकुलुङमा बन्दै गरेको केवलकारको विरोध गर्दै यातायात बन्द गर्ने क्रममा आइतवार उनिहरूलाई धरानबाट इलाका प्रहरी कार्यालय धरानले पक्राउ गरेको थियो । 

सोही दिन उनिहरूको रिहाइको माग राख्दै अन्य आन्दोलन कर्मीहरू इलाका प्रहरी कार्यालयमा पुगी रिहाइ नगरे सामूहिक गिरफ्तारी दिने भन्दै दबाब दिएपछी  इलाका प्रहरी कार्यालय धरानले हिजो राती उनिहरूलाई रिहाइ गरेको हो । 

रिहाइ पश्चात् उनिहरूलाई सोही साँझ धरानको भानुचौकमा पहिचानवादी समूहले फूलमाला अबिर सहित भव्य स्वगत सम्मान समेत गरेका थिए ।