मङ्गलबार, ०९ भदौ २०८३
चर्च ब्वाइज पुग्यो बुढासुब्बा गोल्ड कपको फाइनलमा
धरान । भुटानको आरटिसीलाई ७–० गोलले हराउँदै ए डिभिजन लिग च्याम्पियन चर्च ब्वाइज युनाइटेड २५औँ बुढासुब्बा गोल्डकपको फाइनलमा पुगेको छ । बुधवार भएको प्रतियोगिताको पहिलो सेमिफाइनलमा दुई खेलाडीले ह्याट्रिक गर्दा चर्च ब्वाइजले ७–० को शानदार जित निकालेको हो ।
चर्च ब्वाइजका लागि समिर तामाङ र अर्माण्ड बेडुमले ह्याट्रिक पूरा गरे । समीरले खेलको २१ औँ, २६ औँ र ८५औँ मिनेटमा गोल गरेका थिए । अर्मान्डले २७ औं, ५० औं र ५२ औँ मिनेटमा गोल गरे । प्रतियोगिताको दोस्रो सेमिफाइनलमा बिहीबार भारतको युकेएफसी र नेपालको एनआरटी प्रतिस्पर्धा गर्दैछन् ।
सम्बन्धित खबर
