जरिबानाको पत्र लिएर निर्मल निवास पुगेको नगर प्रहरी टोली गेटबाटै फिर्ता

काठमाडौँ । शुक्रवारको प्रदर्शनपछि पूर्वराजा ज्ञानेन्द्र शाहलाई जरिबाना तोकेको पत्र लिएर निर्मल निवास पुगेको काठमाडौँ महानगर प्रहरीको टोली गेटबाटै फर्किएका छन् ।

शुक्रवार राजावादी आन्दोलनको क्रममा तीनकुने, कोटेश्वर, सिनामंगल, बालकुमारी क्षेत्रमा जथाभाबी फोहोर गरी वातावरण प्रदूषण गरेको, सार्वजनिक सम्पत्ति तोडफोड गरेको भन्दै महानगरपालिकाले पूर्वराजा ज्ञानेन्द्र शाहलाई सात लाख ९३ हजार जरिबाना तोकेको छ ।

उक्त पत्र लिएर आइतवार निर्मल निवास पुगेको महानगर प्रहरीको टोलीलाई त्यहाँका सुरक्षाकर्मी र कर्मचारीलाई गेटबाटै फर्काइदिएका हुन् । निर्मल निवासबाट टोली फिर्ता भएपनि हुलाकमार्फत जरिबानाको पत्र पठाइएको महानगर नगर प्रहरी उपरीक्षक दिनेश अर्यालले जानकारी दिए ।