जसपालाई नयाँ दलको मान्यता दिने निर्वाचन आयोगको निर्णय

धरान । निर्वाचन आयोगले जनता समाजवादी पार्टीलाई नयाँ दलको मान्यता दिने निर्णय गरेको छ। केन्द्रीय सदस्य वा संसदीय दलमध्ये एउटामा २० प्रतिशत भए हुने नियमावली अनुसार नयाँ दल दर्ता भएको जनाउँदै आयोगले अशोक राई नेतृत्वको जसपालाई मान्यता दिने निर्णय गरेको हो। आयोगका सहायक प्रवक्ता रामदत्त पाण्डेयले आज बसेको आयोगको बैठकले अशोक राई नेतृत्वको जसपालाई नयाँ दलको मान्यता दिने निर्णय गरेको जानकारी दिए। आइतबार सांसद अशोक राईको  नेतृत्वमा सात सांसद सहित ३० केन्द्रीय सदस्यले मूल पार्टीबाट अलग भएको जनाउँदै नयाँ दल दर्ताका लागि निर्वाचन आयोगमा निवेदन दिएका थिए।