बिहिबार, ११ असार २०८३
नेपाली कांग्रेसका कार्यकर्ताहरूले राप्रपा अध्यक्ष लिङदेनको पुतला दहन
जनकपुर । धनुषाको लक्ष्मिनियामा नेपाली कांग्रेसका नेता तथा कार्यकर्ताहरूले राप्रपा अध्यक्ष राजेन्द्र लिङदेनको पुतला दहन गरेका छन् ।
हिजो लिङदेनले संसद बैठकमा नेपाली कांग्रेसका छोराले भाटभटेनीमा लुटपाट गरेको भन्दै अभिव्यक्ति दिएका थिए । उनको सो अभिव्यक्तिप्रति आक्रोश व्यक्त गर्दै शनिवार (आज) नेपाली कांग्रेस धनुषाका नेता तथा कार्यकर्ताले आधा घण्टा पूर्व–पश्चिम राजमार्ग अन्तर्गत धनुषाको लक्ष्मिनिया बजारमा चक्का जाम गर्नुका साथै लिङदेनको पुतलासमेत जलाएका हुन् ।
लिङदेनले निराधार अभिव्यक्ति दिएको भन्दै उनलाई तत्काल कारबाही गर्नुपर्ने माग कांग्रेसका नेता तथा कार्यकर्ताले गरेका छन् । लिङदेनले उनको अभिव्यक्तिप्रति माफी नमागे थप कडा आन्दोलन गर्ने चेतावनीसमेत दिएका छन् ।
सम्बन्धित खबर
