किरात राई यायोक्खा धरान १४ को अध्यक्षमा कौशिला राई चयन

धरान । राई समुदायहरूको छाता संस्था किरात राई यायोक्खा धरान वडा नँ. १४ को प्रथम अधिवेशन शुक्रवार सम्पन्न भएको छ । नयाँ नेतृत्व चयनका लागि आयोजित अधिवेशनले अध्यक्षमा कौशिला राईको नेतृत्वमा जम्मा पन्ध्र सदस्यरहेको किराया धरान १४ वडा समिति चयन गरेको हो । 

एक वर्ष अगाडी वडा तदर्थ समितिको रूपमा गठन भएको सोही समितिलाई प्रथम अधिवेशन सम्पन्न गरी पूर्णता दिइएको, चयन भएका समितिका अध्यक्ष कौशिला राईले जानकारी गराए । 

उक्त अधिवेशनको उद्घाटन प्रमुख अतिथि किरात राई यायोक्खाका सुनसरी जिल्ला अध्यक्ष राजेन्द्र राईले गरेका थिए । त्यसैगरी किरात राई यायोक्खा धरान नगर समितिका अध्यक्ष लीला राईको पनि उपस्थिति थियो, लगायत शुभेच्छुकहरू राई जातिको आफ्नो मौलिक भेषभूषामा सजिएर अधिवेशन स्थलमा देख्न सकिथ्यो ।