बुधबार, १० असार २०८३
माधव नेपालसहितका नेताहरूमाथिको मुद्दा नियमित प्रक्रिया हो : मन्त्री गुरुङ
विराटनगर । नेपाल सरकारका सञ्चार तथा सूचना प्रविधिमन्त्री पृथ्वीसुब्बा गुरुङले चालु आर्थिक वर्षको बजेट अधिवेशनमै विद्यालय शिक्षा ऐन र निजामती सेवा ऐन पारित गरिने स्पष्ट पारेका छन् ।
शुक्रवार विराटनगर विमानस्थलमा सञ्चारकर्मीहरूसँग कुरा गर्दै मन्त्री गुरुङले विगत लामो समयदेखि प्रतीक्षित दुवै विधेयक यही अधिवेशनमा पारित हुने विश्वास व्यक्त गरे ।
राजनीतिक घटनाक्रमबारे प्रतिक्रिया दिँदै पूर्वप्रधानमन्त्री माधवकुमार नेपालसहित केही नेतामाथि अख्तियार दुरुपयोग अनुसन्धान आयोगले दर्ता गरेको मुद्दा नियमित प्रकृया अनुसार भएको मन्त्री गुरुङको भनाइ छ ।
गृहमन्त्री रमेश लेखकविरुद्ध विपक्षीले उठाएको राजीनामाको मागप्रति असहमति जनाउँदै मन्त्री गुरुङले राजनीतिक प्रतिशोधस्वरूप यस्तो माग गरिएको टिप्पणी गरे ।
सम्बन्धित खबर
