किरात पुमा राई तुप्खाबाङ्खालालाई सामुदायिक भवन निर्माणका लागि आर्थिक सहयोग प्राप्त

धरान, सुनसरी। किरात पुमा राई तुप्खाबाङ्खाला, जिल्ला कार्य समिति सुनसरीको सामुदायिक भवन निर्माण अभियानले आर्थिक सहयोग प्राप्त गरेको छ। धरान–१६ निवासी राजकुमार पुमा राई र उहाँकी श्रीमती सुजता पुमा राईले २७ गते मंगलबार आफ्नो निजी निवासमा उक्त अभियानका लागि पचपन्न हजार पाँच सय पचपन्न रुपैयाँ प्रदान गर्नुभएको हो।

किरात पुमा राई तुप्खाबाङ्खाला जिल्ला कार्यसमिति, सुनसरीले सहयोगदाता राजकुमार पुमा र सुजता पुमा राईसहित उहाँहरूको सम्पूर्ण परिवारप्रति धन्यवाद व्यक्त गर्दै, यस सहयोगले भवन निर्माण अभियानलाई थप गति प्रदान गर्ने विश्वास लिइएको जनाएको छ।

समितिले धरान–१७ मा एक कठ्ठा जग्गा खरिद गरिसकिएको जानकारी गराएको छ। अब सहयोग संकलन कार्यलाई तीव्रता दिई भवन निर्माणको कार्य जतिसक्दो चाँडो सुरु गरिने कुरा पनि समितिले अवगत गराएको छ।