बुधबार, १० असार २०८३
आइटी सदस्यहरूलाई प्रशिक्षण दिँदै जसपा नेपाल
काठमाडौं । जनता समाजवादी पार्टी (जसपा) नेपालले आइटी सदस्यहरूलाई प्रशिक्षण दिने भएको छ । पार्टीको केन्द्रीय आइटी विभागको आयोजनामा सामाजिक सञ्जालमा सक्रिय सदस्यहरूको लागि जनकपुरधामस्थित अञ्जनी सुइटमा सोमवार देखि दुई दिवसीय प्रशिक्षण गर्न लागेको प्रचार विभाग प्रमुख पूर्ण बस्नेतले जानकारी दिए ।
सामाजिक सञ्जालहरूको प्रयोग र परिचालनलाई प्रभावकारी ढङ्गले व्यवस्थित गर्न तथा सूचना, सञ्चार एवं प्रचार प्रसारको संयन्त्रलाई अझ बलियो बनाउन सामाजिक सञ्जाल प्रयोगकर्ताहरूलाई पार्टी अध्यक्ष उपेन्द्र यादवलगायतका नेता तथा विज्ञहरूले प्रशिक्षण दिन लागेको बस्नेतले बताए ।
सामाजिक सञ्जालमा सक्रिय देशभरीका पार्टी सदस्यहरूलाई सङ्घीयता, सुशासन, सामाजिक न्याय र समाजवादबारे समेत प्रशिक्षित गरिने बताइएको छ ।
सम्बन्धित खबर
