मङ्गलबार, ०९ असार २०८३
धरानमा सुम्निमा-पारुहाङको प्रतिमाको शिलान्यासमा साल्पा पोखरीको माटो–ढुङ्गा र पानी प्रयोग हुने
धरान । धरान उपमहानगरपालिका–२० स्थित चिण्डेडाडामा निर्माण हुन लागेको सुम्निमापारुहाङको प्रतिमाको शिलान्यास आगामी मंसिर ९ गते हुने भएको छ ।
शिलान्यास कार्यक्रममा किराती समुदायको आस्थाको केन्द्र मानिने भोजपुरस्थित साल्पा पोखरीको माटो, ढुङ्गा र पानीसहित प्रतिमा निर्माण कार्य सुरु गरिने मेयर हर्क साम्पाङले जनाएका छन् ।
सामाजिक सञ्जालमार्फत मिति सार्वजनिक गर्दै उनले मंसिर २ गते साल्पासिलिचुङसम्म यात्रा गरिने जानकारी दिएका छन् । सो यात्राबाट ल्याइने माटो, ढुङ्गा र पानी प्रतिमा निर्माणमा प्रयोग गरिने उनको भनाइ छ ।
साम्पाङ मेयरमा निर्वाचित भएयता धरानमा सामुदायिक जनसहभागितामा आधारित योजनाहरू अघि बढाउँदै आएका छन् । सोही अभियानको निरन्तरतामा सुम्निमापारुहाङको प्रतिमा निर्माणलाई प्राथमिकतामा राखिएको र यसका लागि दातामार्फत रकम संकलन भइरहेको छन् ।
किराती समुदायको आस्थाको केन्द्र मानिने साल्पा पोखरीको माटो, ढुङ्गा र पानी प्रयोग हुने भएकाले यस आयोजनालाई धार्मिक, सांस्कृतिक र सामुदायिक महत्व बोकेको परियोजनाका रूपमा लिइएको छ ।
सम्बन्धित खबर
