सोमबार, १५ मंसिर २०८२
सुर्खेतमा एमाले नेता महेश बस्नेतविरुद्ध जेन-जी युवाको नाराबाजी
सुर्खेत । राष्ट्रिय युवा संघ नेपालको युवा जागरण अभियान प्रारम्भ गर्न सुर्खेत आएका नेकपा एमाले नेता महेश बस्नेतविरुद्ध आज स्थानीय जेन–जी युवाहरूले नाराबाजी गरेका छन् ।
कार्यक्रम सुरु हुनुअघि बस्नेतसहित एमाले नेताहरू सुर्खेत आउँदैछन् भन्ने सूचना पाएपछि युवाहरूले कार्यक्रमस्थल बाहिर भेला भई प्रदर्शन गरेका हुन्। जिल्ला समन्वय समिति सुर्खेतको हलमा भइरहेको युवा संघको कार्यक्रममा अवरोध गर्ने प्रयास भएपछि सुरक्षाकर्मीको उपस्थिति बढाइएको स्थानीय प्रशासनले जनाएको छ ।
प्रदर्शनकारीहरूले बस्नेतविरुद्ध लेखिएका प्लेकार्ड बोकेर नाराबाजी गरेका थिए। सम्भावित झडपको जोखिमलाई ध्यानमा राख्दै सुरक्षाकर्मी थप तैनाथ गरिएको प्रशासनको भनाइ छ ।
युवा संघले सुरु गरेको अभियानले कर्णालीका युवामा चेतना, सहभागिता र नेतृत्व विकासमा मद्दत गर्ने दाबी बस्नेतले गरेका छन् ।
सम्बन्धित खबर
