राई पत्रकार संघ सुनसरीको नेतृत्व चयन

धरान । किरात राई पत्रकार संघ सुनसरीको छैटौँ अधिवेशनले सन्जु राई (सुमित्रा) को अध्यक्षतामा नयाँ कार्यसमिति चयन गरेको छ।

शुक्रबार धरान–१० स्थित किरात सांस्कृतिक संग्रहालय (किराया) को हलमा सम्पन्न अधिवेशनले अध्यक्ष राईसहित नौ सदस्यीय कार्यसमिति चयन गरेको हो।

नवनिर्वाचित कार्यसमितिको उपाध्यक्षमा दिपेश ईशारा राई र प्रमिला राई, सचिवमा निशा राई तथा कोषाध्यक्षमा कमान सिंह राई चयन भएका छन्। त्यस्तै सदस्यहरूमा स्मारिका राई, विज्ञान राई, नवीन राई र एलिसा राई रहेका छन्।

अधिवेशनमा किरात राई पत्रकार संघका केन्द्रीय उपाध्यक्ष विशाल राई प्रमुख अतिथिका रूपमा उपस्थित थिए। कार्यक्रममा संघका केन्द्रीय सचिव बुद्धि चाम्लिङ राई, केन्द्रीय पूर्वउपाध्यक्ष जनकऋषि राई तथा किरात राई यायोक्खा सुनसरीका जिल्ला अध्यक्ष राजेन्द्र राईको विशेष उपस्थिति रहेको थियो।