बाजुरा । भौगोलिक हिसाबले विकट तर उत्पादनमा प्रचुर सम्भावना बोकेको स्वामीकार्तिक खापर गाउँपालिकाले कागुनो, झुमरो र चिनो जस्ता रैथाने बालीको संरक्षण र प्रवर्द्धन अभियान थालनी गरेको छ ।

पालिकाका अध्यक्ष भरत बहादुर रोकायाका अनुसार पछिल्ला वर्षमा यी बाली लोप हुने अवस्थामा पुगेकाले पुनः खेतीमा प्रोत्साहन गर्न अभियान सुरु गरिएको हो । “यी बाली मानव स्वास्थ्यका लागि निकै उपयोगी छन्, त्यसैले कृषकलाई बिउविजन वितरण गरेर संरक्षण अभियान अघि बढाइएका छौँ,” उनले भने ।

गाउँपालिकाको कृषि शाखाका सहायक प्रमुख रत्न रावलका अनुसार कृषकले रैथाने बालीलाई प्राथमिकता दिने हो भने आम्दानीसँगै संरक्षणमा पनि टेवा पुग्नेछ । “कृषकलाई हौसला दिँदै बिउविजन तथा अन्य सहयोग गर्दै आएका छौँ,” उनले बताए ।

स्थानीय नरबहादुर लुहारले प्रविधिको विकास र बजारबाट दाल–चामल सहजै आउन थालेपछि रैथाने बाली हराउँदै गएको प्रति चिन्ता व्यक्त गरे । तर पालिकाले बिक्री–वितरण, बजारको व्यवस्था र ढुवानीमा अनुदान दिन थालेपछि कृषकको चासो फेरि बढेको उनको भनाइ छ ।

हाल स्थानीयले बाझो जमिनमा कागुनो, झुमरो र चिनो खेती गर्न थालेका छन् । कृषि शाखाका तथ्यांकअनुसार पालिकामा यस्ता रैथाने बालीबाट वार्षिक झण्डै १.२ मेट्रिक टनभन्दा बढी उत्पादन हुने गरेको छ ।

काठमाडौँ । संयुक्त विद्यार्थी संगठनले लिपुलेकलाई व्यापारिक नाका बनाइ अतिक्रमण गर्ने भारतीय र चिनियाँ हस्तक्षेपकारी षड्यन्त्रका विरुद्ध विरोध प्रदर्शन गरेको छ ।
शनिबार लौनचौरस्थित भारतीय दुतावास अगाडि संगठनले नेपाली भूमिमाथिको हस्तक्षेप बन्द गर्न माग गर्दै विरोध प्रदर्शन गरेका हुन् ।

 विरोध प्रदर्शनमा अखिल क्रान्तिकारीका अध्यक्ष विरेन्द्र शाहले सँधै कुटनीतिक पहल गर्ने भनेर सरकारले कुरा गरेपनि त्यो खालको पहलकदमी चाँही नगरेको बताए । 
सरकार यसमा गम्भीर बन्नकासाथै छलफलको विषय बनाउनुपर्ने उनको भनाई छ ।  लिपुलेकको सन्दर्भमा पटक–पटक विदेश सचिवस्तरिय समिति पनि बनेता पनि अन्तिममा आएर यो विषयमा भारत बाहिरिएको बताउँछन । 

उनले भने,‘हाम्रो सरकारले कुटनीतिक पहल गर्ने कुरा त छँदैछ । तर सँधै कुटनीतिक पहल भनेर बस्ने तर पहलकदमी चाँही गरिदैन् । पहिलो कुरा त सरकार यसमा गम्भीर बन्नुपर्छ र छलफलको विषय बनाउनुपर्छ । भारतले यो विषयमा छलफल नै गर्न चाहेको छैन् । लिपुलेकको सन्दर्भमा पटक पटक विदेश सचिवस्तरीय समिति पनि बनेका छन् । तर अन्तिममा यो विषयमा भारत बाहिरिएको छ ।’

त्यस्तै उनले भारतले नेपालसँग छलफल मात्रै गर्ने हो भने पनि नेपालसँग प्रसस्त प्रमाणहरु रहेको बताए । यो मुद्दालाई नेपाल र भारतबीचको विषयभन्दा पनि अन्तराष्ट्रियकरण गरी अन्तराष्ट्रिय अदालतसम्म गएर सिमानाको लागि लड्नुपर्ने उनको भनाई छ ।

 प्रदर्शनमा सहभागीहरुले राष्ट्रिय स्वाधिनताको रक्षा गर,लिपुलेक हाम्रो हो,नेपाली भूमिमाथिको हस्तक्षेपको बन्द गर,भारतीय सेना कालापानी, छोड, छोड ,छोड कालापानी छोड,नेपाली भूमि अतिक्रमण गर्ने निर्णय अबिलम्व खारेज गर लगायतका प्लेकार्डसहित प्रदर्शन गरेका थिए । 

काठमाडौं । समाजवादी गणतन्त्र भियतनामका उपराष्ट्रपति भो थि आन सुआन नेपालको तीनदिने औपचारिक भ्रमणका लागि शनिबार काठमाडौँ आउँदैछिन् । 

उपराष्ट्रपति रामसहायप्रसाद यादवको मैत्रीपूर्ण निमन्त्रणामा उनी नेपाल भ्रमणमा आउन लागेकी हुन् ।

भियतनामको तर्फबाट नेपालको यो पहिलो उच्चस्तरीय भ्रमण हुने परराष्ट्र मन्त्रालयले जनाएको छ । उपराष्ट्रपति सुआनले यही भदौ ७ देखि ९ गतेसम्म रहने छन् । 

उनले भ्रमणको क्रममा, दुई उपराष्ट्रपतिले २४ अगस्ट २०२५ मा काठमाडौंमा हुने नेपाल–भियतनाम द्विपक्षीय बैठकमा आ–आफ्नो प्रतिनिधिमण्डलको नेतृत्व गर्नेछन् । 

यसका साथै, उपराष्ट्रपति जुआनले नेपालका उच्च पदस्थ व्यक्तिहरूसँग भेटघाट र शिष्टाचार भेटवार्ता गर्नेछन् । दुई देशबीच कूटनीतिक सम्बन्ध स्थापनाको ५० औं वार्षिकोत्सव मनाउने यो वर्ष विशेष महत्वको छ ।

उपराष्ट्रपति सुआन २५ अगस्ट २०२५ मा काठमाडौंबाट हनोई प्रस्थान गर्ने कार्यक्रम तय भएको छ ।

हेटौंडा । बागमती प्रदेशको राजधानी हेटौंडा नजिक बागझौरा र त्रिखन्डी सडक खण्डमा आएको पहिरोका कारण सडक २४ घन्टादेखि अवरुद्ध बनेको छ । लगातारको वर्षासँगै गएको पहिरोले दुवै तर्फको यातायात पूर्णरूपमा बन्द हुँदा हजारौँ यात्रु बाटैमा अलपत्र परेका छन्।

स्थानीय प्रशासनले सडक खुलाउन डोजर परिचालन गरेको भए पनि निरन्तर वर्षाले काम गर्न कठिनाइ भइरहेको जनाएको छ। सडक खुलाउने प्रयास जारी राखिएको र सम्भव भएसम्म चाँडै यातायात सञ्चालन गर्ने तयारी भइरहेको जिल्ला प्रहरी कार्यालय मकवानपुरले जानकारी दिएको छ।

सडक अवरुद्ध हुँदा राजधानीतर्फ र राजधानीबाट आउने यात्रुहरू भारी समस्यामा परेका छन्। कतिपयले पैदल यात्रा गर्ने बाध्यता बनाएको बताइएको छ। स्थानीय बासिन्दाले शीघ्र पहिरो हटाउने कामलाई तीव्रता दिन सरकारसँग माग गरेका छन्।

रामेछाप । सदरमुकाम मन्थलीबाट सेलेघाटतर्फ जाँदै गरेको बागमती प्रदेश–३०१००३ क ५६४४ नम्बरको मालवाहक लरी(ट्रक) शुक्रबार बिहान मन्थली नगरपालिका–६ पाखाबारीमा दुर्घटना परेको छ । 

दुर्घटनामा लरी चालक नुवाकोट, दुप्चेश्वर गाउँपालिका–७ सिखरबेसीका ४४ वर्षीय प्रवास ओली घाइते भएका छन् । उनलाई घटनास्थलबाट उद्धार गरी मन्थली अस्पतालमा उपचारका लागि लगिएको र अवस्था सामान्य रहेको जिल्ला प्रहरी कार्यालय रामेछापका प्रहरी नायब उपरीक्षक भोलाकुमार भट्टले जानकारी दिए । 

उक्त लरी सुनकोशी मरिण डाइभर्सन आयोजनाको बाँधस्थलमा रहेको प्लान्टका लागि सिमेन्ट बोकेर सेलेघाटतर्फ जाँदै गर्दा दुर्घटनामा परेको हो । दुर्घटनामा परेको लरी पटेल रमण कन्स्ट्रक्सनको भएको र घटनाबारे अनुसन्धान भइरहेको प्रहरीले जनाएको छ ।

गत वर्ष असोज १२ गतेको वर्षासँगै आएको बाढीले खुर्कोटमा रहेको सुनकोशी मोटरेवल पुल बगाएपछि पुनर्निर्माण गरिएको बेलिब्रिजमा १५ टनभन्दा बढी क्षमताका सवारीसाधन सञ्चालनमा रोक लगाइएको छ । 

आयोजना स्थलमा आवश्यक निर्माण सामग्री पु¥याउने ठूला मालवाहक सवारी साधनलाई सिन्धुली र रामेछापको संगमस्थल सित्खा पुल तरेर मन्थली हुँदै गन्तव्यसम्म लैजानुपर्ने बाध्यता छ । साघुरो सडकमा ठुला सवारी साधन गुडाउँदा दुर्घटना बढेको छ । ठुला सवारी चल्दा सित्खा–गोगनपानी–मन्थली सडक पनि पिच उक्किन लागेको छ ।

काठमाडौँ । सशस्त्र प्रहरी बलले नयाँ जनशक्ति भर्ना गर्न आवेदन खुला गरेको छ । सशस्त्र प्रहरी जवान र सशस्त्र प्रहरी परिचर (विभिन्न ट्रेड) पदमा नयाँ भर्ना खोलेको हो ।

सशस्त्र प्रहरी बल, प्रधान कार्यालय, मानवस्रोत विभागले आज आवेदनका लागि एक महिनाको समयावधि तोकेर नयाँ भर्नाका लागि आवेदन खुला गरेको हो ।

जवानमा ७८६, भान्छेमा १६ कूचिकारमा १०, सूचिकारमा १३, केशकर्तकमा १० र चर्मकर्मीमा १ जना भर्ना गर्ने गरी आवेदन खुला गरिएको हो ।

काठमाडौं । इजरायली प्रधानमन्त्री बेन्जामिन नेतान्याहुले गाजामा रहेका सबै बन्धकहरूको रिहाइका लागि वार्ता सुरु गर्ने घोषणा गरेका छन् । साथसाथै, उनले गाजाको उत्तर क्षेत्रमा रहेको गाजा सहरमा इजरायली सेनाको ठूलो कारबाही गर्ने योजना पनि स्वीकृत गरिएको बताएका छन् ।

बिहीबार राति गाजाको लागि जिम्मेवार सैन्य मुख्यालयको भ्रमणका क्रममा नेतान्याहुले भने, ‘हामीले गाजा सहर नियन्त्रणमा लिन र हमासलाई परास्त गर्न इजरायली सेनालाई योजना अघि बढाउन अनुमति दिएका छौं। यससँगै बन्धकहरू छुटाउने काम पनि अघि बढ्नेछ ।’

तर, नेतान्याहुले कतार र इजिप्टको मध्यस्थतामा प्रस्तावित ६० दिने युद्धविराम सम्झौतालाई भने अस्वीकार गरेका छन् । उक्त प्रस्तावमा गाजामा रहेका बाँकी बन्धकमध्ये आधालाई रिहा गरिने उल्लेख गरिएको थियो ।

यसअघि हमासले नेतान्याहुलाई मध्यस्थकर्ताहरूको प्रस्ताव अस्वीकार गर्दै सम्झौतालाई अवरोध पु¥याएको आरोप लगाएको थियो ।

इजरायली अधिकारीहरूका अनुसार गाजामा रहेका ५० बन्धकमध्ये करिब २० मात्र जीवित रहेको विश्वास गरिएको छ । यसबीच, बिहीबार इजरायली सेनाले गाजा सहरका पूर्वी क्षेत्रहरूमा तीव्र बमबारी गरेको जनाइएको छ ।

इजरायली सेनाले गाजा सहरका करिब १० लाख बासिन्दालाई दक्षिणतर्फ सर्न चेतावनी दिँदै अन्तर्राष्ट्रिय संस्थाहरू तथा स्वास्थ्यकर्मीहरूलाई तयारी अवस्थामा रहन भनेको छ । गाजाको हमासद्वारा सञ्चालित स्वास्थ्य मन्त्रालयले भने यस्तो कदमले बाँकी स्वास्थ्य प्रणालीलाई पूर्ण रूपमा ध्वस्त पार्ने चेतावनी दिएको छ ।

काठमाडौं । जनता समाजवादी पार्टी (जसपा) को विद्यार्थी भातृ संगठन समाजवादी विद्यार्थी युनियनले आज आफ्नो १०औँ स्थापना दिवस मनाउँदैछ ।

देशभर विभिन्न कार्यक्रम गरी स्थापना दिवस मनाइने भएको छ । संगठनको केन्द्रीय समितिले भने काठमाडौँको प्रदर्शनीमार्ग स्थित रत्न राज्यलक्ष्मी क्याम्पसमा विशेष कार्यक्रमको आयोजना गर्ने जनाएको छ ।

यस अवसरमा पार्टीका शीर्ष नेताहरू, विद्यार्थी नेताहरू र विद्यार्थीहरू सहभागी हुने कार्यक्रम तय भएको छ ।

धरान । धरान उपमहानगरपालिका–२० स्थित चिण्डेडाडामा निर्माण हुन लागेको सुम्निमापारुहाङको प्रतिमाको शिलान्यास आगामी मंसिर ९ गते हुने भएको छ ।

शिलान्यास कार्यक्रममा किराती समुदायको आस्थाको केन्द्र मानिने भोजपुरस्थित साल्पा पोखरीको माटो, ढुङ्गा र पानीसहित प्रतिमा निर्माण कार्य सुरु गरिने मेयर हर्क साम्पाङले जनाएका छन् ।

सामाजिक सञ्जालमार्फत मिति सार्वजनिक गर्दै उनले मंसिर २ गते साल्पासिलिचुङसम्म यात्रा गरिने जानकारी दिएका छन् । सो यात्राबाट ल्याइने माटो, ढुङ्गा र पानी प्रतिमा निर्माणमा प्रयोग गरिने उनको भनाइ छ ।

साम्पाङ मेयरमा निर्वाचित भएयता धरानमा सामुदायिक जनसहभागितामा आधारित योजनाहरू अघि बढाउँदै आएका छन् । सोही अभियानको निरन्तरतामा सुम्निमापारुहाङको प्रतिमा निर्माणलाई प्राथमिकतामा राखिएको र यसका लागि दातामार्फत रकम संकलन भइरहेको छन् ।

किराती समुदायको आस्थाको केन्द्र मानिने साल्पा पोखरीको माटो, ढुङ्गा र पानी प्रयोग हुने भएकाले यस आयोजनालाई धार्मिक, सांस्कृतिक र सामुदायिक महत्व बोकेको परियोजनाका रूपमा लिइएको छ ।

काठमाडौं । भारतले लिपुलेक व्यापार मार्गबारे भारतको अडान दीर्घकालीन रहेको बताएको बताएको छ ।  विदेश मन्त्रालयका प्रवक्ता रणधीर जैसवालले बुधबार एक विज्ञप्ति जारी गर्दै त्रिदेशीय नाका लिपुलेकमाथि नेपालले गरेको दाबीलाई अस्वीकार गरेका हुन् । 

विज्ञेप्तीमा भनिएको छ,‘लिपुलेक हुँदै भारत–चीनबीचको व्यापार १९५४ मै सुरु भएको हो। दशकौँदेखि निरन्तर चलिरहेको छ। यस किसिमका दाबी ऐतिहासिक तथ्य र प्रमाणमा आधारित छैनन्। एकतर्फी रूपमा कृत्रिम रूपमा भूभाग बढाएर दाबी गर्नु स्वीकार्य हुँदैन’

बुधबार नै परराष्ट्र मन्त्रालयले विज्ञप्ति जारी गर्दै नेपालको संविधानमा समावेश आधिकारिक नक्साअनुसार लिम्पियाधुरा, लिपुलेक र कालापानी नेपालको अभिन्न भू–भाग रहेको बताएको थियो । 

सन् २०१५ मा भारतीय प्रधानमन्त्री नरेन्द्र मोदी चीन गएका बेला लिपुलेक नाका खोल्ने सहमति भएको थियो। त्यसबेला पनि नेपालले कूटनीतिक नोट पठाएर दुवै देशसँग आपत्ति व्यक्त गरेको थियो।