धनगढी । सुदूरपश्चिम प्रदेशका मुख्यमन्त्री कमल बहादुर शाह ट्राफिक प्रहरीको कारवाहीमा परेका छन् । मुख्यमन्त्री शाहले हेल्मेट विना नै मोटरसाइकल चलाएको भिडियो बाहिरिएपछि ट्राफिक प्रहरीले निवासमै पुगेर उनलाई जरिवाना तिराएको हो । 

मुख्यमन्त्री शाहले निवास परिसरमा हेल्मेट नलगाइ बुलेट बाइक चलाएको भिडिओ सामाजिक सञ्जालमा पोष्ट भएको थियो । शाहलाई पाँचसय रूपैयाँ जरिवाना गरिएको छ ।

बिहीबार नै पत्रकार सम्मेलन गर्दै मुख्यमन्त्री शाहले आफूले ट्राफिक नियम उल्लङ्घन गरेको स्वीकार गरेका छन् । आफूले नै नियमअनुसार कारवाही गर्न ट्राफिक प्रहरीलाई आग्रह गरेको शाहको दावी छ । 

कानून सवैलाई बराबरी हुनुपर्छ भन्ने उद्देश्य अनुसार आफुले ट्राफिक प्रहरीलाई जरिवाना काट्न आग्रह गरेको शाहको भनाई छ । मुख्यमन्त्रीका प्रमुख स्वकीय सचिव प्रयागराज खनालले आफ्नो टिकटकबाट शाहले हेल्मेटबिना बाइक चलाएको भिडिओ सार्वजनिक गरेका थिए ।

काठमाडौं । हरित जलवायु कोष (जिसिएफ) बोर्डको ४५औँ बैठकले नेपालमा जलवायु उत्थानशीलताका लागि ८.५ मिलियन अमेरिकी डलर अनुदानको वित्तीय प्रस्ताव स्वीकृत गरेको छ ।

बोर्डले ‘कर्णाली प्रदेशमा जीविकोपार्जनका अवसर तथा स्थानीय क्षमता अभिवृद्धिमार्फत वनमा निर्भर समुदायको जलवायु उत्थानशीलता निर्माण’ शीर्षकको उक्त वित्तीय प्रस्ताव बुधबार स्वीकृत गरेको हो ।

यसले नेपालको जलवायु वित्त यात्रामा अर्को महत्त्वपूर्ण उपलब्धि थपेको छ । यो परियोजना राष्ट्रिय प्रकृति संरक्षण कोष (एनटिएनसी)ले जिसिएफको प्रत्यक्ष पहुँच प्राप्त निकायका रूपमा सरलीकृत स्वीकृति प्रक्रियाअन्तर्गत विकास गरेको हो ।

कूल ९.२ मिलियन अमेरिकी डलर लगानी रहेको यस चार वर्षे पहलमा जिसिएफबाट ८.५ मिलियन अमेरिकी डलर अनुदान समावेश छ । यस परियोजनाले नेपालको जलवायु परिवर्तनप्रति सबैभन्दा संवेदनशील प्रदेशहरूमध्ये एक कर्णाली प्रदेशमा पारिस्थितिकीय प्रणालीको सहनशीलता, जलवायु–सहनशील जीविकोपार्जन तथा संस्थागत क्षमता सुदृढ गर्नेछ ।

नाजुक पर्वतीय पारिस्थितिकीय प्रणाली, कठिन भूगोल, उच्च गरिबी दर तथा पहिरो, बाढी र लामो खडेरीजस्ता जलवायुजन्य विपद्हरूप्रतिको बढ्दो जोखिमले कर्णाली प्रदेश मुलुकमा जलवायु परिवर्तनका प्रभावप्रति सबैभन्दा संवेदनशील क्षेत्रहरूमध्ये एक हो ।

यस परियोजनाले नेपालको राष्ट्रिय अनुकूलन योजना (२०२१–२०५०), राष्ट्रिय निर्धारित योगदान (एनडिसी ३.०) तथा अन्य राष्ट्रिय जलवायु प्राथमिकताहरूको कार्यान्वयनमा प्रत्यक्ष योगदान पु¥याउने विश्वास गरिएको छ । साथै जलवायु नीतिहरूलाई स्थानीय तहमा ठोस कार्यमा रूपान्तरण गर्नेछ ।

पारिस्थितिकीय पुनःस्थापना, प्रकृतिमा आधारित समाधान, जलवायु–सहनशील जीविकोपार्जनका अवसर, समुदायमा आधारित पूर्वसूचना प्रणाली तथा स्थानीय संस्थाको सुदृढीकरणमार्फत यस परियोजनाबाट एक लाखभन्दा बढी मानिसले प्रत्यक्ष लाभ प्राप्त गर्ने विश्वास छ ।

साथै कर्णाली प्रदेशभर चार लाखभन्दा बढी मानिसको जलवायु उत्थानशीलता अप्रत्यक्ष रूपमा अभिवृद्धि हुनेछ । विशेषगरी महिला, आदिवासी जनजाति, दलित तथा अन्य सीमान्तकृत र जलवायु–संवेदनशील समुदायहरूको अर्थपूर्ण सहभागिता तथा समान लाभ सुनिश्चित गर्न विशेष जोड दिइएको छ ।

यो परियोजना राष्ट्रिय, प्रादेशिक तथा स्थानीय संस्थाहरूबीचको साझेदारीमार्फत कार्यान्वयन गरिनेछ । जिसिएफको मान्यताप्राप्त निकायका रूपमा रहेको एनटिएनसीले सहकार्यान्वयन निकायको भूमिका निर्वाह गर्नेछ ।

एजेन्सी । फिफा विश्वकप फुटवल प्रतियोगिताका लागि एक घरपालुवा हाँस मेक्सिकोको ‘राजदूत’ बनेको छ। ‘मर्लिन’ नामक घरपालुवा हाँस फिफा विश्वकपको लागि मेक्सिकोको राजदूत बनेको हो । 

दुई वर्षको हाँस मेक्सिकन टोलीको जर्सी र मोजा लगाएर मेक्सिको सिटीका सडकहरूमा हिंडिरहेको भिडियोहरू सार्वजनिक भएपछि भाइरल समेत बनिरहेको छ ।

विश्वकपका कारण फुटबलका सबैभन्दा चर्चित खेलाडीहरू फेरि अन्तर्राष्ट्रिय चर्चाको केन्द्रमा रहेकाबेला मर्लिन पनि चर्चामा आएको हो । 

आफ्नो शरीरमा ठ्याक्कै मिल्ने सानो टिम मेक्सिकोको जर्सी र मेक्सिको सिटीस्थित आफ्नो घर वरिपरि आत्मविश्वासका साथ हिँड्ने शैलीका कारण हासले चर्चा बटुलेको हो । 

विश्वकपमा मेक्सिकोले आफ्नो पहिलो खेल जितेपछि उत्सव मनाइरहेको अवस्थामा मर्लिन पहिलो पटक देखिएको थियो । सोहीबेला भिडियो भाइरल भएपछि हाँस एकाएक इन्टरनेट स्टार बनेको हो । (भिडियो सीसीटीभीप्लस)

एजेन्सी । उच्चतम प्रविधिको विकासमा अग्रणी चीनले उड्ने कार (फ्लाइङ कार)को विकासलाई तिब्रता दिएको छ ।

चीनका विमानन कम्पनीहरूले व्यवहारिक रूपमा प्रयोग गर्न मिल्ने उड्ने कारको विकासमा समय र स्रोतसाधनको अधिकतम प्रयोग पनि गरिरहेका छन् । 

दक्षिणपश्चिम चीनको चेङ्दु सहरस्थित एक कम्पनीले सहरी यातायातका लागि ६ सिट क्षमताको विद्युतीय उड्ने कार विकास गरेको छ।

यसको क्याविन समायोजन गर्न मिल्ने सिटहरू तथा बहुउद्देश्यीय सवारीका अन्य सुविधाहरू समावेश गरिएको छ । हाल यो कार उडानयोग्यता एवम प्रमाणिकरण प्रक्रियामा छ।

एरोफुगियाका प्रवक्ता ल्याङ जिओङका अनुसार आरामदायी यो कारले अधिकतम २०० किलोमिटर दूरी तय गर्न सक्छ।

यसैबीच, दक्षिण चीनको ग्वाङ्झाउस्थित अर्को कम्पनीले विकास गरेको उड्ने कारले सार्वजनिक रूपमा आफ्नो पहिलो परीक्षण उडान सफलतापूर्वक पूरा गरेको छ। यो पनि हाल उडानयोग्यता प्रमाणिकरण प्रक्रियामै छ।

९५० किलोग्राम अधिकतम टेकअफ तौल तथा ८ मिटर लामो फ्युजलाज (मुख्य शरीर) र पखेटाको फैलावट भएको यो उड्ने कार सहर, समुद्र र पहाडी क्षेत्र पार गर्दै मध्यमदेखि लामो दूरीको यात्राका लागि डिजाइन गरिएको हो।

कम्पनीका अनुसार यसमा कारजस्तै छेउबाट खुल्ने ढोका र दुईवटा सिट छन्। यसले भवनको छतबाटै उडान भर्न र अवतरण गर्न सक्छ। आठवटा प्रोपेलरले यसलाई ठाडो रूपमा जमिनबाट उचाल्छन्, भने पछाडिको पुशर प्रोपेलरले अगाडि बढ्न आवश्यक शक्तिशाली गति प्रदान गर्छ । 

विज्ञहरूका अनुसार आगामी करिब एक दशकभित्र उड्ने कारहरू व्यापक रूपमा प्रयोगमा आउने अपेक्षा गरिएको छ ।(सीसीटीभीप्लस)

रौतहट । गृहमन्त्री सुदन गुरुङले बारा र पर्साको सीमावर्ती क्षेत्रमा सुरक्षा निकायलाई समेत पूर्वजानकारी नदिई ‘छड्के अनुगमन’ गरेका छन् ।

राष्ट्रिय स्वतन्त्र पार्टी (रास्वपा)को महाधिवेशन सकेर शनिबार बिहान वीरगन्ज आइपुगेका गृहमन्त्री गुरुङले सुरक्षा टोली र आफ्नो औपचारिक संयन्त्रलाई बाहिरै राखेर सुटुक्क स्थलगत निरीक्षण गरेका हुन् ।

सामान्य पोसाकमा मास्क, टोपी र हाफ टिसर्ट लगाएर कसैले नचिन्नेगरी सीमा क्षेत्रमा पुगेका मन्त्री गुरुङले जानकी टोला, मटिअर्वा र अलौँलगायतका नाकाहरूको अवलोकन गरेका थिए ।

अनुगमनका क्रममा उनले नाका क्षेत्रका स्थानीय बासिन्दा तथा ज्येष्ठ नागरिकहरूसँग सीमापार भइरहेको तस्करी र सुरक्षा व्यवस्थाका विषयमा सोधपुछ तथा अन्तरक्रियासमेत गरेका छन् ।

शनिबार गृहमन्त्रीले गरेको छड्के अनुगमनको भिडियो सामाजिक सञ्जालमा सार्वजनिक भएको छ । सार्वजनिक भिडियोमा गृहमन्त्री गुरुङसँग कुरा गर्दै स्थानीयवासीले सशस्त्र प्रहरीकै अधिकारीको मिलेमतोमा तस्करी भइरहेको दाबी गरेका छन् ।

यद्यपि, गृहमन्त्रीले संवाद गरेको सो भिडियो ठ्याक्कै कुन नाकाको हो भन्ने विषय भने भिडियोमा प्रस्ट पारिएको छैन । गृहमन्त्रीको यस आकस्मिक तथा गोप्य भ्रमणबारे स्वयं उनको सचिवालयले कुनै जानकारी सार्वजनिक गरेको थिएन ।

यता सीमा क्षेत्रको सुरक्षा र प्रशासनिक जिम्मेवारी सम्हालेका बारा र पर्साका प्रहरी प्रशासन तथा स्थानीय प्रशासनसमेत मन्त्रीको यस भ्रमणबारे पूर्ण रूपमा अनभिज्ञ रहेका छन् ।

स्रोतका अनुसार चितवनको माडी हुँदै ठोरी प्रवेश गरेर पर्सा र बाराका नाकाहरूको वस्तुस्थिति प्रत्यक्ष रूपमा बुझेपछि गृहमन्त्री गुरुङ शनिबार नै काठमाडौँ फर्किसकेका छन् ।

काठमाडौं । अमेरिकाले इरानमाथि पुनः हवाई आक्रमण गरेको छ । अमेरिकी राष्ट्रपति डोनाल्ड ट्रम्पको निर्देशनमा अमेरिकी केन्द्रीय कमाण्ड (सेन्टकम) ले शनिबार इरानका विभिन्न सैन्य पूर्वाधारमाथि अतिरिक्त आक्रमण गरेको जनाएको हो । सेन्टकमका अनुसार शुक्रबार इरानी आक्रमणको जवाफस्वरूप अमेरिकी कारबाहीपछि इरानलाई युद्धविराम सम्झौताको पालना गर्ने अवसर दिइएको थियो । तर, इरानले शनिबार बिहान करिब ४ः३० बजे (स्थानीय समय) एकतर्फी आक्रमणकारी ड्रोन प्रहार गरी पानामाको झण्डा बोकेको तेलवाहक ट्याङ्कर लाई निशाना बनाएको आरोप अमेरिकाले लगाएको छ ।्उक्त जहाज होर्मुज जलडमरूमध्य नजिकै दुई करोडभन्दा बढी ब्यारेल कच्चा तेल बोकेर गइरहेको सेन्टकमले जनाएको छ ।

अमेरिकी सेनाले त्यसपछि इरानको सैन्य निगरानी पूर्वाधार, सञ्चार प्रणाली, हवाई प्रतिरक्षा प्रणाली, ड्रोन भण्डारण केन्द्र तथा समुद्री सुरुङ (माइन) बिछ्याउने क्षमतासम्बन्धी सैन्य संरचनामाथि लक्षित आक्रमण गरेको जनाएको छ । सेन्टकमले होर्मुज जलडमरूमध्य हुँदै अन्तर्राष्ट्रिय व्यापारिक जहाजहरूको आवतजावत जारी रहेको उल्लेख गर्दै अमेरिकी सेना सतर्क, सक्षम र आवश्यक परे थप कारबाहीका लागि तयार रहेको जनाएको छ ।

यता, इरानको खाताम अल–अन्बिया केन्द्रीय मुख्यालयका प्रवक्ता इब्राहिम अलफिकारले सामाजिक सञ्जाल एक्समार्फत अमेरिकालाई कडा चेतावनी दिएका छन् ।

उनले लेखेका छन,‘तिमीहरूले हाम्रो सार्वभौमिकतामाथि प्रहार गरेका छौ। अब समीकरण बदल्ने व्यावहारिक जवाफको अपेक्षा गर । तिमीहरूले गलत आकलन गरेका छौ र हाम्रो धैर्य समाप्त भइसकेको छ । लामो र अन्त्यहीन रातको तयारी गर । अबका केही घण्टाले हाम्रो शक्तिको उत्तर दिनेछन् ।’

यसैबीच, बहराइनले पनि शनिबार इरानमाथि आफ्नो भूमिमा धेरै ड्रोन प्रहार गरेको आरोप लगाएको छ । बहराइनको विदेश मन्त्रालयले जारी गरेको विज्ञप्तिमा उक्त घटना आफ्नो सार्वभौमिकतामाथिको गम्भीर उल्लंघन भएको उल्लेख गर्दै यसले क्षेत्रीय शान्ति र स्थायित्व कायम गर्ने प्रयासलाई कमजोर बनाएको आरोप लगाएको छ । यो घटनाक्रम पश्चिम एसियामा हालैको द्वन्द्व अन्त्य गर्न गरिएको युद्धविराम लागू भएपछि अमेरिका र इरानबीच पहिलो पटक प्रत्यक्ष सैन्य आक्रमण आदानप्रदान भएको केही घण्टापछि सार्वजनिक भएको हो । एएनआई

एजेन्सी । भेनेजुएलाको उत्तर–मध्य क्षेत्रमा बुधबार केही सेकेन्डको अन्तरमा दुई शक्तिशाली भूकम्पमा परि मृत्यु हुनेको संख्या बढिरहेको छ ।

भूकम्पपछि त्यहाँ २० भन्दा बढी पराकम्प रेकर्ड गरिएको भेनेजुएला फाउन्डेसन फर सिस्मोलोजिकल रिसर्चले जनाएको छ ।

भेनेजुएलाको राष्ट्रिय सभाका अध्यक्ष जर्ज रोड्रिगेजका अनुसार मृत्यु हुनेको संख्या ९२० पुगेको छ भने अन्य ३,३६० जना घाइते छन् । 

अमेरिकी भूगर्भ सर्वेक्षण यूएसजीएसका अनुसार ७.२ र ७.५ म्याग्निच्युडका दुई भूकम्प एक मिनेटभन्दा कम समयको अन्तरमा आएका थिए।

भूकम्पबाट बचेकी मिकाएला ओभेलारले त्यो डरलाग्दो क्षणलाई कुनै भयावह फिल्मको दृश्यजस्तै भएको बताइन्। ‘साँझ करिब ६ बजेको समय थियो। सार्वजनिक बिदा भएकाले धेरै परिवार घरमै थिए। त्यही बेला मैले पहिलो ७.२ म्याग्निच्युडको भूकम्प महसुस गरेँ। त्यसलगत्तै एक मिनेटभन्दा कम समयमै दोस्रो, अझ शक्तिशाली ७.५ म्याग्निच्युडको भूकम्प आयो। जमिन हल्लिनै छाडेन। गाडीहरूको अलार्म बजिरहेको थियो, सडक भत्किएको आवाज सुनिन्थ्यो। मानिसहरू ज्यान जोगाउन यताउता दौडिरहेका थिए। रुखहरू जोडले हल्लिरहेका थिए। त्यो दृश्य कुनै भयावह चलचित्रभन्दा कम थिएन। सबैजना त्रसित र आतंकित थिए।’

ओभेलारका अनुसार प्रभावित क्षेत्रमा अहिले खाद्यान्न आपूर्तिमा समस्या भएको छ। साथै, विद्युत्, खानेपानी र इन्टरनेट सेवासमेत गम्भीर रूपमा प्रभावित भएका छन्।

राजधानी नजिक रहेको भेनेजुएलाको सबैभन्दा ठूलो विमानस्थल माइकेटिया सिमोन बोलिभार अन्तर्राष्ट्रिय विमानस्थल पनि भूकम्पबाट गम्भीर रूपमा क्षतिग्रस्त भएको छ। विमानस्थल हाल बन्द रहेको छ र सबै व्यावसायिक उडानहरू रद्द गरिएको छन्।

भुकम्पमा परी अझै १७२ जना भग्नावशेषमुनि फसेका छन् भने ३,००७ जना विस्थापित भएका छन्। भूकम्पका कारण ३८३ वटा भवनमा क्षति पुगेको छ, जसमा १३ वटा अस्पताल र २५ वटा व्यापारिक केन्द्र पनि समावेश छन्। साथै, अन्य १,००२ वटा संरचनामा विभिन्न स्तरको क्षति पुगेको उनले बताए।

शुक्रबार दिउँसोसम्म ८७१ जना अन्तर्राष्ट्रिय उद्धारकर्मी राहत तथा उद्धार कार्यमा सहयोग गर्न भेनेजुएला पुगेका छन्।

भेनेजुएलाकी कार्यवाहक राष्ट्रपति डेल्सी रोड्रिगेजले शुक्रबार देशको सबैभन्दा बढी प्रभावित क्षेत्रमध्ये एक ला ग्वाइरा राज्यलाई उद्धार कार्यलाई सहज बनाउन तथा सुरक्षा सुनिश्चित गर्न सैनिक नियन्त्रणमा राखिएको घोषणा गरेकी छन्। (सीसीटीभीप्लस)

काठमाडौं । राष्ट्रिय स्वतन्त्र पार्टी (रास्वपा)को प्रथम राष्ट्रिय महाधिवेशनअन्तर्गत भएको पदाधिकारी निर्वाचनबाट सोविता गौतम उपसभापति र विपिनकुमार आचार्य महामन्त्री पदमा निर्वाचित भएका छन्।

शुक्रबार सम्पन्न मतदानमा उपसभापति पदकी उम्मेदवार सोविता गौतमले ७८९ मत प्राप्त गर्दै विजय हासिल गरिन्। उनकी निकटतम प्रतिस्पर्धी तोसिमा कार्कीले ५७२ मत प्राप्त गरिन्।

त्यसैगरी, चितवनमा सम्पन्न रास्वपाको प्रथम महाधिवेशनबाट विपिनकुमार आचार्य महामन्त्रीमा निर्वाचित भएका छन्। महामन्त्री पदका लागि विपिन आचार्यसँगै मनिष झा, सागर ढकाल र गणेश कार्की प्रतिस्पर्धामा थिए।

यसअघि महामन्त्रीका आकांक्षी गणेश पराजुली, राजु पाण्डे, कबिन्द्र बुर्लाकोटी, जगदीश खरेल, रन्जु दर्शना र प्रमोद न्यौपानेले विपिन आचार्यलाई समर्थन गर्दै आफ्नो उम्मेदवारी फिर्ता लिएका थिए।

एजेन्सी । प्रत्यक्ष उपस्थित भएर फिफा विश्वकप फुटवल प्रतियोगिता हेर्न नपाएका चिनिया समर्थकहरु व्यापारिक सामग्री किनमेलमा व्यस्त भएका छन् । 

विश्वकपका धेरैजसो सामग्रीहरू चीनमा उत्पादन गरिन्छ, त्यसैले खुद्रा डिलरहरू र अस्थायी रुपमा संचालनमा रहेका(पप–अप) स्टोरहरूले धेरैको ध्यान आकर्षित गरिरहेको छ । 

विश्वकप सुरु भएको पहिलो दिनमै बेइजिङमा, किनमेल गर्नेहरूको भीड देखिन्थ्यो । ‘म विश्वकपसँग सम्बन्धित केही रचनात्मक उत्पादनहरू किन्न चाहन्छु । यो एउटा यस्तो कार्यक्रम हो जुन हरेक चार वर्षमा मात्र हुन्छ । उत्पादित डिजाइन गरिएका सामग्रीहरु निकै राम्रा छन् । मस्कटहरू एकसाथ जोडिएका छन्, र मेरो झोलामा राम्रो देखिनेछ,’ एक ग्राहकले भने ।

प्रमुख ई–कमर्स प्लेटफर्महरूको तथ्यांकअनुसार, हालै विश्वकप सम्बन्धी अनलाइनमार्फत खोजी गर्नेहरु बढेसँगै खेलौना तथा सङ्कलनयोग्य सामग्रीको बिक्रीमा १५० प्रतिशतभन्दा बढी वृद्धि भएको छ ।

करिब ४० दिनसम्म खेलहरू जारी रहने भएकाले अनलाइन र अफलाइन दुवै बजारमा यो उत्साह अझ बढ्ने अपेक्षा गरिएको छ ।

पसलमा समर्थकहरूले आफ्नो मनपर्ने खेलाडीको नाम र जर्सी नम्बर छापेर जर्सीलाई व्यक्तिगत रूपमा प्रयोग पनि गरिरहेका छन् । 

पसलमा सबैभन्दा धेरै बिक्री हुने जर्सीहरूमा अर्जेन्टिना, जर्मनी र स्पेनका जर्सीहरू छन् । विश्वकपको फाइनल खेल जुलाई १९ मा हुनेछ।(सीसीटीभीप्लस)

एजेन्सी । प्रत्यक्ष उपस्थित भएर फिफा विश्वकप फुटवल प्रतियोगिता हेर्न नपाएका चिनिया समर्थकहरु व्यापारिक सामग्री किनमेलमा व्यस्त भएका छन् । 

विश्वकपका धेरैजसो सामग्रीहरू चीनमा उत्पादन गरिन्छ, त्यसैले खुद्रा डिलरहरू र अस्थायी रुपमा संचालनमा रहेका(पप–अप) स्टोरहरूले धेरैको ध्यान आकर्षित गरिरहेको छ । 

विश्वकप सुरु भएको पहिलो दिनमै बेइजिङमा, किनमेल गर्नेहरूको भीड देखिन्थ्यो । ‘म विश्वकपसँग सम्बन्धित केही रचनात्मक उत्पादनहरू किन्न चाहन्छु । यो एउटा यस्तो कार्यक्रम हो जुन हरेक चार वर्षमा मात्र हुन्छ । उत्पादित डिजाइन गरिएका सामग्रीहरु निकै राम्रा छन् । मस्कटहरू एकसाथ जोडिएका छन्, र मेरो झोलामा राम्रो देखिनेछ,’ एक ग्राहकले भने ।

प्रमुख ई–कमर्स प्लेटफर्महरूको तथ्यांकअनुसार, हालै विश्वकप सम्बन्धी अनलाइनमार्फत खोजी गर्नेहरु बढेसँगै खेलौना तथा सङ्कलनयोग्य सामग्रीको बिक्रीमा १५० प्रतिशतभन्दा बढी वृद्धि भएको छ ।

करिब ४० दिनसम्म खेलहरू जारी रहने भएकाले अनलाइन र अफलाइन दुवै बजारमा यो उत्साह अझ बढ्ने अपेक्षा गरिएको छ ।

पसलमा समर्थकहरूले आफ्नो मनपर्ने खेलाडीको नाम र जर्सी नम्बर छापेर जर्सीलाई व्यक्तिगत रूपमा प्रयोग पनि गरिरहेका छन् । 

पसलमा सबैभन्दा धेरै बिक्री हुने जर्सीहरूमा अर्जेन्टिना, जर्मनी र स्पेनका जर्सीहरू छन् । विश्वकपको फाइनल खेल जुलाई १९ मा हुनेछ।(सीसीटीभीप्लस)

काठमाडौं । नेपाल एमालेले पार्टीका उपाध्यक्ष विष्णुप्रसाद पौडेलको गिरफ्तारीलाई राजनीतिक प्रतिशोधबाट प्रेरित र गैरकानुनी कदम भएको ठहर गरेको छ । 

मंगलबार बसेको एमाले केन्द्रीय सचिवालयको बैठकले पौडेलको गिरफ्तारीको राजनीतिक तथा कानुनी रूपमा प्रतिवाद गर्ने निर्णय गरेको हो ।

पार्टीले सम्पत्ति शुद्धीकरणको बहानामा गरिएको उक्त गिरफ्तारीमा कुनै वस्तुपरक तथ्य वा प्रमाण प्रस्तुत नगरिएको दाबी गरेको छ । एमालेले यस घटनालाई राजनीतिक पूर्वाग्रह र प्रतिशोधको परिणामका रूपमा व्याख्या गरेको छ ।

बैठकले विशेष अदालतले अनुसन्धानका क्रममा पूर्वापक्षका लागि थुनामा राख्न दिएको आदेशप्रति पनि असहमति जनाएको छ । पार्टीका अनुसार उक्त आदेश न्यायसम्मत नरहेको निष्कर्ष निकालिएको छ ।

सचिवालय बैठकले उपाध्यक्ष पौडेलको बिनासर्त तथा अविलम्ब रिहाइको माग गरेको छ ।