काठमाडौं । टी–२० विश्वकपको उपाधिका लागि आज न्युजिल्याण्ड र भारत भिड्दै छन् । २० टोली सहभागी प्रतियोगिताको समापन अहमदाबादस्थित नरेन्द्र मोदी रङ्गशालामा राति सवा ७ बजे सुरु हुनेछ ।

न्युजिल्यान्ड पहिलो पटक टी–२० विश्वकप उपाधि जित्ने अभियानमा रहेको छ । टी–२० विश्वकपमा न्युजिल्यान्ड दोस्रो पटक फाइनल खेल्दै छ ।
यसैगरी, भारत तीन पटक टी–२० विश्वकप जित्ने तथा च्याम्पियन बन्ने पहिलो आयोजक हुने दाउमा रहेको छ ।

फाइनल हेर्न एक लाखभन्दा बढी समर्थक उपस्थित हुने छन् । तीमध्ये अधिकांश घरेलु टोली भारतको समर्थनमा रहने छ ।

काठमाडौं । इलाम क्षेत्र नम्बर २ मा एमालेका सुहाङ नेम्वाङ विजयी भएका छन् । नेम्बाङ २२ हजार ४२६ मतसहित विजयी भएका हुन् ।

उनका निकटतम प्रतिस्पर्धी नेपाली कांग्रेसका भेषराज आचायले १४ हजार ६५० मत प्राप्त गरेका छन् भने श्रम सँस्कृति पार्टीका सुदीप राईले १४ हजार ४०० पाएका छन् ।

राष्ट्रिय स्वतन्त्र पार्टीका गोकुलबहादुर राई ७ हजार ८१४ र नेपाली कम्युनिस्ट पार्टीका ओमबहादुर गुरुङ ११७२ मत पाए ।

मुगु । प्रतिनिधिसभा सदस्य निर्वाचनको देशका अधिकांश स्थानमा मतगणना भइ बिजय जुलुस निकालिरहँदा हिमाली जिल्ला मुगुमा भने अझैपनि मत पेटिका मुख्य निवाचन अधिकृतको कार्यालयमा पुग्न सकिरहेको छैन ।

मुगुमा एक निर्वाचन क्षेत्र भएको जिल्ला हो । जहाँ एकवटा अस्थाई मतदान केन्द्र ६९ वटा मतदान केन्द्र गरी सातवटा केन्द्र रहेका थिए । जसमध्ये ६८ मतदान केन्द्रका मतपेटिका सदरमुकाम गमगढी मुख्य निर्वाचन अधिकृतको कार्यालयमा आइपुगेका छन् भने नाक्चेलाग्ना सीमासंग जोडिएको मुगुम कार्मारोङ गाउँपालिकाको मुगु गाउँ मतदान केन्द्र र डोल्फू मतदान केन्द्रका मतपेटिका आइपुग्न बाँकी रहेको हुँदा मत गणना गर्न केही ढिला भएको मुख्य निर्वाचनको अधिकृतको कार्यालयले जनाएको छ ।

देशभर परिणाम सार्वजनिक भइरहँदा मुगुमा भने मतपेटिका नै सदरमुकाम आइनपुग्नुले निर्वाचन व्यवस्थापनको तयारी र पूर्वतयारी माथि प्रश्न उठ्न थालेको छ । दुर्गम भौगोलिक अवस्थालाई कारण देखाइए पनि प्रत्येक निर्वाचनमा उस्तै समस्या दोहोरिनुलाई स्थानीय मतदातामा असन्तुष्टि बढाएको छ ।
मतदाताले समयमै मतदान गरेर आफ्नो अधिकार प्रयोग गरेपनि मतपेटिका ढुवानी र व्यवस्थापनमा हुने ढिलाइले मुगु सधैं परिणाम सार्वजनिक गर्ने मामिलामा पछि पर्ने गरेको छ । बाँकी रहेका दुई मतदान केन्द्रका मतपेटिका कहिले सदरमुकाम पुग्छन् र मतगणना कहिले सुरु हुन्छ भन्ने विषयमा मतदाताहरुको चासो बिषय बन्दै गएको छ । बाँकी रहेका मतदान केन्द्रबाट सदरमुकाम गमगढी पैदल पुग्न दिन भन्दा बढी समय लाग्छ । चार स्थानीय तह रहेको मुगुमा ३६ हजार ३१ मतदाता छन् । यस पटक २२ हजार ७७ मत खसेको थियो ।

काठमाडौं । पछिल्ला केही वर्षमा नेपालको राजनीतिमा तीव्र परिवर्तन देखिएको छ । यही परिवर्तनको केन्द्रमा छन् काठमाडौँ महानगरपालिकाका पूर्वमेयर तथा रास्वपाका वरिष्ठ नेता बालेन्द्र शाह (बालेन), जो ¥याप सँगीतको मञ्चबाट राष्ट्रिय राजनीतिसम्मको यात्रा तय गर्दै अहिले प्रधानमन्त्री बन्ने सम्भावित नेताका रूपमा चर्चाको केन्द्रमा छन् ।
२०७९ को स्थानीय तह निर्वाचनमा स्वतन्त्र उम्मेदवारका रूपमा प्रतिस्पर्धा गर्दै उनले काठमाडौं महानगरपालिकाको मेयर पदमा ऐतिहासिक जित हासिल गरेका थिए ।
लौरो चुनाव चिन्ह लिएर मैदानमा उत्रिएका बालेनले ६१ हजार ७६७ मत प्राप्त गर्दै विजय हासिल गरेका थिए । उनकी मुख्य प्रतिस्पर्धी कांग्रसकी सिर्जना सिंहले ३८ हजार ३४१ मत प्राप्त गरेकी थिइन् भने एमालेबाट उम्मेदवार बनेका केसब स्थापितले ३८ हजार ११७ मत ल्याएका थिए ।
इन्जिनियरिङ पृष्ठभूमिका बालेन सन् २०१३ मा नेपालकै चर्चित ¥याप ब्याटल लिग र बर्ज मार्फत सार्वजनिक रूपमा परिचित भएका थिए । तर उनको राजनीतिक यात्रा भने योजनाबद्ध रूपमा अघि बढेको बताइन्छ । मेयर पदमा उम्मेदवारी दिनुभन्दा करिब साढे दुई वर्षअघि देखि उनले तयारी थालेका थिए ।
उनले काठमाडौँको हिमालयन ह्वाइटहाउस कलेजबाट इन्जिनियरिङ अध्ययन गरेका छन् भने भारतबाट स्ट्रक्चरल इन्जिनियरिङमा स्नातकोत्तर गरेका छन् । यही प्राविधिक पृष्ठभूमिले राजनीतिप्रति निराश बनेका धेरै मतदातालाई आकर्षित गरेको विश्लेषकहरूको भनाइ छ ।
गत भदौ २३ र २४ गते भएको जेनजी आन्दोलनका क्रममा ७७ जनाको मृत्यु भएपछि तत्कालीन प्रधानमन्त्री केपी शर्मा ओलीले पदबाट राजीनामा दिएका थिए । त्यसपछि बनेको राजनीतिक परिस्थितिमा जेन–जी आन्दोलनका कार्यकर्ताहरूले अन्तरिम सरकारको नेतृत्वका लागि बालेन शाहलाई पहिलो रोजाइका रूपमा अघि सारेका थिए ।
तर बालेनले अन्तरिम प्रधानमन्त्री बन्ने प्रस्ताव अस्वीकार गर्दै पूर्व प्रधानन्यायाधीश सुशीला कार्कीलाई समर्थन गरेका थिए । विश्लेषकहरूका अनुसार यो निर्णयले उनलाई छोटो अवधिको सत्ता भन्दा दीर्घकालीन राजनीतिक अवसरतर्फ अघि बढ्न सहयोग गरेको देखिन्छ ।
यसैबीच २०८२ माघ ४ मा बालेन औपचारिक रूपमा राष्ट्रिय स्वतन्त्र पार्टीमा प्रवेश गरेका थिए । त्यसको भोलिपल्ट उनले जनकपुरबाट आफ्नो चुनावी अभियान सुरु गरेका थिए ।
यस पटक उनले झापा–५ बाट प्रतिनिधिसभा निर्वाचन लड्ने निर्णय गरेका थिए । यो क्षेत्र लामो समयदेखि ओलीको प्रभाव क्षेत्र मानिन्छ । काठमाडौंबाट करिब ३०० किलोमिटर टाढा रहेको यस क्षेत्रमा बालेनको उम्मेदवारीले राष्ट्रिय राजनीतिमा ठूलो चर्चा र बहस सुरु गराएको छ ।
बालेन सामाजिक सञ्जालमा अत्यन्त सक्रिय छन् । फेसबुकमा उनका करिब ३५ लाखभन्दा बढी फलोअर्स छन् र उनी प्रायः त्यही माध्यमबाट जनतासँग प्रत्यक्ष संवाद गर्छन् । यद्यपि उनको स्पष्ट र कहिलेकाहीँ आक्रामक अभिव्यक्तिका कारण विवाद पनि हुने गरेको छ । उनले विगतमा अमेरिका, भारत र चीनजस्ता शक्तिशाली देश तथा नेपालका प्रमुख राजनीतिक दलहरूबारे कडा टिप्पणी गरेका थिए ।
सन् १९९० मा जन्मिएका बालेन चार दाजुभाइमध्ये कान्छा हुन् । उनका पिता रामनारायण शाह आयुर्वेद चिकित्सक थिए, जसको निधन बालेनको मुख्यधारको राजनीतिमा प्रवेश हुनुअघि भएको थियो ।
हाल बालेन काठमाडौं विश्वविद्यालयमा परम्परागत पूर्वाधारसम्बन्धी विषयमा विद्यावारिधि (पीएचडी) अध्ययन गरिरहेका छन् । यसरी उनी प्राविधिक ज्ञान, शैक्षिक पृष्ठभूमि र लोकप्रिय राजनीतिक शैलीलाई एकसाथ अघि बढाइरहेका छन् ।
विश्लेषकहरूका अनुसार बालेन शाहको उदयले नेपालको परम्परागत राजनीतिक संरचनालाई चुनौती दिएको छ । उनी परिवर्तनका प्रतीक बन्नेछन् वा विवादास्पद नेतृत्वको रूपमा चिनिनेछन् भन्ने कुरा आगामी राजनीतिक घटनाक्रमले तय गर्नेछ । तर यति निश्चित छ कि नेपालको राजनीतिमा पुरानो पुस्ताको प्रभुत्वमाथि अहिले गम्भीर चुनौती देखिएको समाचार एएनआइले लेखेको छ ।

काठमाडौं । प्रतिनिधिसभा सदस्य निर्वाचनअन्तर्गत काठमाडौं निर्वाचन क्षेत्र नं. ४ मा राष्ट्रिय स्वतन्त्र पार्टी (रास्वपा) का उम्मेदवार पुकार बम निर्वाचित भएका छन् । निर्वाचन आयोगका अनुसार बमले २९ हजार १४२ मत प्राप्त गर्दै विजय हासिल गरेका हुन् ।
उनका निकटतम प्रतिस्पर्धी नेपाली कांग्रेसका उम्मेदवार सचिन तिमल्सेनाले आठ हजार ८२४ मत प्राप्त गरेका छन् भने नेपाल कम्युनिस्ट पार्टी (एमाले)का उम्मेदवार राजन भट्टराईले पाँच हजार ७३३ मत प्राप्त छन् ।
यसअघि सोही क्षेत्रबाट नेपाली कांग्रेसका सभापति गगनकुमार थापा निर्वाचित भएका थिए ।

सुर्खेत । जाजरकोटको पछिल्लो मत परिणाम अनुसार नेकपाका नेता शक्ति बस्नेत ‘शक्तिहीन’ देखिएका छन् । प्रतिनिधिसभा सदस्यका उम्मेदवार बस्नेतले नेपाली कांग्रेसका खडक बिसीलाई पछ्याइरहेका छन् ।
मुख्य निर्वाचन अधिकृतको कार्यालयले सार्वजनिक गरेको पछिल्लो मत परिणामअनुसार बस्नेतसँग बिसीले मतान्तर बढाउँदै लगेका छन् ।

सुरुवातदेखि नै अग्रता लिँदै आएका नेपाली कांग्रेसका खड्कबहादुर बिसीले अग्रता कायमै राख्दा शक्ति बस्नेत पछ्याई रहेका छन् । विसीले एक हजार ८३९ मतसहित अग्रता कायम राखेका छन् ।
जाजरकोटका ६ वटा पालिकाको पुरै र छेडागाड नगरपालिकाको आधा मत गणना हुँदा बिसीले १३ हजार ७१४ मत ल्याएर अग्रता कायम राख्दा शक्तिबहादुर बस्नेतले ११ हजार ८७५ मतसहित पछ्याइरहेका छन् ।
तेस्रो स्थानमा रहेका नेकपा एमालेका डम्बरबहादुर सिंहले १० हजार ८८५ र रास्वपाले एक हजार २२७ मत ल्याएका छन् ।

सर्लाही । सर्लाही ९ प्रतिनिधिसभा सदस्य निर्वाचन अन्तर्गत सर्लाही जिल्ला निर्वाचन क्षेत्र नम्बर ४ को मतगणनाको पछिल्लो प्रारम्भिक परिणाम सार्वजनिक भएको छ ।

बिहान ७ बजेसम्मको मत परिणाम अनुसार राष्ट्रिय स्वतन्त्र पार्टीका उम्मेदवार अमरेश कुमार सिंहले अग्रता कायमै राखेका छन्। हालसम्मको मतगणनामा रास्वपाका सिंहले ११ हजार ३८३ मत प्राप्त गर्दै पहिलो स्थानमा रहेका छन् ।

दोस्रो स्थानमा नेपाली कांग्रेसका उम्मेदवार गगन थापा रहेका छन्। उनले ६ हजार ९५२ मत प्राप्त गरेका छन् । त्यसैगरी, नेकपा एमालेका उम्मेदवारले १ हजार ९६७ मत प्राप्त गरेका छन् भने जनमत पार्टीका उम्मेदवारले ८४० मत ल्याएका छन् । नेकपा (तारा चुनाव चिह्न) ले ४८९ मत प्राप्त गर्दा जसपा नेपालले ३६ मत पाएको छ ।

राष्ट्रिय प्रजातन्त्र पार्टीले २० मत प्राप्त गरेको छ । यसैबिच, मतगणनामा १ हजार ८७ मत बदर भएको जनाइएको छ । मतगणना कार्य जारी रहेको छ । जिल्लाका अन्य क्षेत्रमा पनि रास्वपा अग्रस्थानमा छ ।

काठमाडौं । नेपाली कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ प्रतिनिधिसभा निर्वाचनमा विजयी भएका छन् । नेकपाका संयोजकसमेत रहेका प्रचण्ड विजयी भएसँगै उक्त दलले जीतको खाता खोलेको छ ।
पुष्पकमल दाहाल ‘प्रचण्ड’ले १० हजार २४० मत पाउँदा उनका निकटतम प्रतिद्वन्द्वी एमालेका लिलामणि गौतमले ३ हजार ४६२ भोट पाए । प्रचण्ड ६ हजार ७७८ मतसहित विजयी भएका हुन् ।

रौतहट । रौतहट निर्वाचन क्षेत्र नम्बर १ को प्रारम्भिक मतगणनामा पूर्वप्रधानमन्त्री एवं नेकपाका सह–संयोजक माधव कुमार नेपाल निकै पछि परेका छन् ।
फागुन २१ गते सम्पन्न निर्वाचनको पछिल्लो मतपरिणाम अनुसार नेपाल पाँचौ स्थानमा खुम्चिएका हुन् ।
मतगणनाको पछिल्लो विवरण अनुसार राष्ट्रिय स्वतन्त्र पार्टी (रास्वपा) का उम्मेदवार राजेश कुमार चौधरीले उल्लेख्य अग्रता बनाउँदै अन्य प्रतिस्पर्धीलाई निकै पछाडि छाडेका छन् । चौधरी १,४९९ मतका साथ पहिलो स्थानमा सुरक्षित देखिएका छन् ।
दोस्रो स्थानमा जनता समाजवादी पार्टी (जसपा) का योगेन्द्र राय यादव छन्, जसले ६३१ मत प्राप्त गरेका छन् । त्यस्तै, नेकपा एमालेका उम्मेदवार अजय गुप्ता ३९९ मतसहित तेस्रो स्थानमा संघर्षरत छन् ।
चौथो स्थानमा नेपाली कांग्रेसका अनिल कुमार झा रहेका छन् । उनले ३६६ मत ल्याउँदा ‘हेभीवेट’ उम्मेदवार मानिएका माधव कुमार नेपाल भने मात्र ३२० मतका साथ पाँचौ स्थानमा सीमित भएका छन् ।
घण्टी चुनाव चिन्ह लिएर मैदानमा उत्रिएका रास्वपाका चौधरीले सुरुआती चरणदेखि नै भारी मतका साथ अग्रता लिँदा जिल्लाको राजनीतिक समीकरणमा नयाँ मोड आउने संकेत देखिएको छ ।
संसद छिर्ने लक्ष्यका साथ चुनावी मैदानमा होमिएका नेपालका लागि यो प्रारम्भिक नतिजा निकै चुनौतीपूर्ण र अप्रत्याशित बनेको छ ।
निर्वाचन आयोगका अनुसार मतगणना हाल शान्तिपूर्ण रूपमा जारी छ । अहिले केही वडाहरूको मात्र गणना सकिएको र बाँकी वडाहरूको परिणाम सार्वजनिक भएसँगै यो समीकरणमा फेरबदल आउन सक्ने अनुमान गरिएको छ । यद्यपि, रास्वपाको सुरुआती अग्रताले पुराना दलहरूलाई ठूलो दबाब सिर्जना गरेको छ ।

एजेन्सी । इजरायलको तेल अभिभका बासिन्दाहरू भूमिगत रेल स्टेशनहरूमा रात विताउन वाध्य भएका छन् ।
यात्रुका लागि बनाइएका विश्रामस्थलहरु अस्थायी आश्रयमा परिणत गरिरहेका छन् । किनकि साइरनहरूले क्षेप्यास्त्र आक्रमणको चेतावनी दिने गरेको छ ।
तेल अभिभको सबैभन्दा ठूलो लाइट रेल स्टेशनहरू मध्ये एक, जुन सामान्यतया यात्रुहरूले भरिने गर्दथ्यो । तर अब उक्त स्थान सुरक्षा खोज्ने नागरिकहरूको लागि अस्थायी आश्रयमा परिणत भएको छ।
क्षेप्यास्त्रको त्रासका कारण स्थानीय बासिन्दाहरूले तेल अभिभको भूमिगत स्टेशनहरू प्रयोगमा ल्याएका हुन् । क्षेप्यास्त्रहरूको चेतावनीसहितको साइरन बज्दा बारम्बार आश्रयस्थलहरूमा दौडनुको सट्टा रेल स्टेशनहरू रोजाइमा परेको हो ।
इजरायली सेनाले आफ्नो वायु रक्षा प्रणालीले इरानबाट भएको क्षेप्यास्त्र आक्रमणलाई रोक्न काम गरिरहेको घोषणा गरेसँगै बिहीबार बिहान सबेरै तेल अभिभमा साइरन र ठूलो विस्फोटको आवाज सुनिएको थियो।
फेब्रुअरी २८ देखि तेहरान र अन्य धेरै इरानी शहरहरूमा अमेरिका–इजरायलको संयुक्त आक्रमणमा इरानका सर्वोच्च नेता अली खामेनी, उनका परिवारका केही सदस्यहरू, शीर्ष सैन्य कमाण्डरहरू र सर्वसाधारणहरू मारिएका छन्।
इरानले इजरायल र यस क्षेत्रमा रहेका अमेरिकी सम्पत्तिहरूलाई लक्षित गरी धेरै क्षेप्यास्त्र र ड्रोन आक्रमणहरू मार्फत प्रतिक्रिया दिएको थियो । (सीसीटीभीप्लस)