इटहरी । संघीय सरकारले आर्थिक वर्ष २०८२/८३ का लागि प्रस्तुत गरेको बजेट वक्तव्यमा कोशी प्रदेशका जिल्ला र स्थानमा लक्षित गरिएका विभिन्न महत्त्वाकाङ्क्षी समेत देखिने योजना समावेश गरिएका छन् ।

अर्थमन्त्री विष्णुप्रसाद पौडेलले संघीय संसदमा प्रस्तुत गरेको बजेटमा पूर्वाधार विकासदेखि ऊर्जा, पर्यटन, कृषि, स्वास्थ्य, खेलकुद र शैक्षिक क्षेत्रमा कोशी प्रदेशलाई समेटिएको देखिन्छ । सोही आधारमा अर्थमन्त्रीले बिहीबारको सदनमा तोकेरै प्रस्तुत गरेका मुख्य योजनाहरूमा कोशी प्राथमिकता परेको छ । 

खेलकुद र पूर्वाधार

बजेट वक्तव्यमा झापाको दमकमा अन्तर्राष्ट्रिय स्तरको आधुनिक रङ्गशाला निर्माण गरिने उल्लेख छ । जसले सबै प्रकारका खेल गतिविधि सञ्चालन गर्न सक्ने क्षमता राख्नेछ । यसबाहेक, सोलुखुम्बुमा उच्च उचाइमा खेल खेल्न सकिने ‘हाई अल्टिच्यूट स्पोर्टस स्टेडियम’ निर्माण गरिने योजना पनि बजेटमा समावेश छ ।

सिचाइ र लिफ्ट सिँचाइ

सुनसरी र मोरङका सिँचाइ आयोजनाको पुनर्निर्माण हुने र पहाडी क्षेत्रका किसानलाई सहयोग पुग्ने गरी लिफ्ट सिँचाइको व्यवस्था गरिने बताइएको छ ।

यातायात पूर्वाधार

रानी–इटहरी व्यापारिक मार्गको निर्माण सम्पन्न गर्न बजेट विनियोजन गरिएको छ । साथै कोशी कोरिडोरको विस्तार, अरुण कोरिडोरअन्तर्गत चतरा–लेगुवाघाट सडक निर्माण, तमोर कोरिडोर र दमक–चिसापानी सडक स्तरोन्नति, मेची राजमार्ग मर्मत तथा निर्वाचन क्षेत्र विशेष सडक निर्माणका लागि पनि बजेट व्यवस्था गरिएको छ । यस्तै धरान लेउती सुरुङ मार्गका लागि समेत स्रोत व्यवस्थापन गरिएको मन्त्री पौडेलले उल्लेख गरेका छन् । 

रेलमार्ग, केवलकार र हवाई सेवा

काँकडभिट्टा–इटहरी रेलमार्गको अधिग्रहण गरिएको जमिन फुकुवा गरिनेछ भने झापाको भद्रपुर र ताप्लेजुङको सुकेटार विमानस्थलको क्षमता विस्तार गरिने बजेटमा उल्लेख छ ।

तेह्रथुमको चुहानडाँडा र उदयपुरको सगरमाथा विमानस्थलका लागि आयोजनाको सम्भाव्यता अध्ययन प्रतिवेदन तयार पारिनेछ । मन्त्री पौडेलका अनुसार पहाडी क्षेत्रमा केवलकार निर्माणका लागि सहजीकरण गरिने छ । 

पर्यटन प्रवर्धनमा नयाँ योजना

कोशीटप्पु देखि सगरमाथा पदमार्गको विकास र केचना–पाथीभरा पदमार्ग सञ्चालन गरिने छ । साथै, कोशी नदीमा राफ्टिङ लगायतका पर्यटन पूर्वाधार विकासका लागि निजी क्षेत्रलाई प्रोत्साहन गरिने अर्थमन्त्री पौडेलले उल्लेख गरेका छन् ।

स्वास्थ्य क्षेत्र

प्रत्येक प्रदेशमा स्थापना गरिने भनिएको जलन अस्पताल निर्माण योजनामा कोशी प्रदेश पनि परेको छ । 

शिक्षा र अनुसन्धान

संखुवासभामा विदुषी योगमाया आयुर्वेद हिमालयन विश्वविद्यालयको निर्माणका लागि बजेट व्यवस्था गरिएको छ, जसले पूर्वी नेपालको शैक्षिक र आयुर्वेदिक क्षेत्रमा ठूलो प्रभाव पार्ने अपेक्षा गरिएको छ ।

ऊर्जा क्षेत्र 

दुधकोसी जलविद्युत् आयोजनाको निर्माण कार्य सुरु गरिने घोषणा गरिएको छ । यस आयोजनाले पूर्वी नेपालको ऊर्जा सुरक्षामा महत्त्वपूर्ण भूमिका खेल्नेछ । यस्तै सुनसरीमा पेट्रोलियम पदार्थको अन्वेषण सुरु गरिने अर्थमन्त्री पौडेलले उल्लेख गरेका छन् । 

यहाँ उल्लेख गरेकासँगै राष्ट्रिय रूपमा परेका योजनाहरूमा समग्रताको फाइदा पनि कोशी प्रदेशले पाउन सक्ने अपेक्षा गरिएको छ ।

काठमाडौं । आज नेपाली बजारमा सुनको मूल्य प्रतितोला ७०० रुपैयाँ घटेको छ । आइतबार सुन प्रतितोला एक लाख ९१ हजार ८ सय रुपैयाँमा कारोबार भएको थियो । 

सोमबार सुन प्रतितोला एक लाख ९१ हजार १०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । 

आज चाँदीको मूल्य भने स्थिर छ । आइतबार झै आज चाँदी दुई हजार पाँच रुपैयाँमा कारोबार भइरहेको छ । 

काठमाडौं । नेपाली बजारमा सुनको मूल्य एक हजार आठ सय रुपैयाँले बढेको छ । नेपाल सुनचाँदी व्यवसायी महासंघका अनुसार आइतबार छापावाला सुनको मुल्य तोलामा १ लाख  ९१ हजार ८ सय रुपैँयाले कायम रहेको छ । यसअघि शुक्रबार  छापावाल सुन तोलामा १ लाख ९० हजारले  रुपैयाँ कायम भएको थियो । यस्तै चाँदीको मूल्य भने स्थिर रहेको छ । चाँदि तोलामा २ हजार ५ रुपैयाँ कायम भएको महासंघले जनाएको छ ।

काठमाडौं । नेपाली बजारमा सुनको मूल्य एक हजार एक सय रुपैयाँ घटेको छ । नेपाल सुनचाँदी व्यवसायी महासंघका अनुसार शुक्रवार छापावाल सुनको मूल्य तोलामा एक लाख ९० हजार चार सय रुपैयाँ कायम भएको हो ।

यसअघि बिहीवार छापावाल सुन तोलामा १ लाख ९१ हजार पाँच सय रुपैयाँ कायम भएको थियो । यस्तै चाँदीको मूल्य पनि घटेर २ हजार ५ रुपैयाँ कायम भएको महासंघले जनाएको छ ।

काठमाडौं । सान्भि इनर्जी लिमिटेडले सर्वसाधारणका लागि आजदेखि आईपीओ निष्कासन गर्ने भएको छ । कम्पनीले प्रतिकित्ता १०० रुपैयाँ अंकित मूल्यका २४ करोड १५ लाख ३० हजार रूपैयाँ बराबरको २४ लाख १५ हजार ३०० कित्ता सेयर सर्वसाधारणका लागि निष्कासन गर्न लागेको हो।

आयोजना प्रभावित स्थानीय र वैदेशिक रोजगारीमा रहेका नेपालीका लागि आईपीओ बाँडफाँट गरिसकेको छ ।

दोस्रो चरणमा सर्वसाधारणमा जारी हुने बाँकी कित्ता आईपीओ जेठ १३ गतेसम्म निष्कासन हुनेछ ।

बिक्री प्रवन्धक नेपाल एसबिआई मर्चेन्ट बैंकिङ लिमिटेडका अनुसनर सो अवधिभित्र माग बमोजिम आवेदन नपरेमा जेठ २३ गतेसम्म निष्कासनमा रहने छ ।

बिक्री प्रबन्धकसँगै नेपाल धितोपत्र बोर्डबाट अनुमति प्राप्त सम्पूर्ण आस्बा सदस्य बैंक तथा वित्तीय संस्था र तिनका तोकिएका कार्यालयमार्फत आवेदन दिन सकिनेछ । 

मेरो सेयर अनलाइनमार्फत पनि सर्वसाधारण लगानीकर्ताले आवेदन दिन सक्नेछन् । 

कम्पनीले ८ करोड ८० लाख रूपैयाँ बराबरको ८ लाख ८० हजार कित्ता सेयर आयोजना प्रभावित क्षेत्रका स्थानीय बासिन्दाहरू र २ करोड ९१ लाख रूपैयाँ बराबरको २ लाख ९१ हजार कित्ता सेयर नेपाल सरकारको सम्बन्धित निकायबाट श्रम स्वीकृति प्राप्त गरी विदेशमा रोजगार गरी रहेका नेपालीहरूका लागि यसअघि नै निष्कासन गरेको थियो। 

त्यसैगरी, कम्पनीले १ लाख ४५ हजार ५०० कित्ता सामूहिक लगानी कोषहरूका लागि र ५८ हजार २०० कित्ता सेयर कम्पनीमा कार्यरत कर्मचारीहरूका लागि बाँडफाँट गरिसकेको छ।

एजेन्सी । विश्वव्यापी कच्चा तेल आपूर्तिमा अवरोध हुने संभावना बढेपछि अन्तर्राष्ट्रिय स्तरमा तेलको मूल्य बढेको छ । 

इजरायलले इरानको आणविक सुविधाहरूलाई लक्षित गर्ने धम्की दिएपछि उत्पन्न क्षेत्रीय तनावका कारण तेलको मूल्य बढेको हो ।

अमेरिकी मिडियाले मंगलबार इजरायलले इरानको आणविक सुविधामा आक्रमण गर्ने तयारी गरिरहेको रिपोर्ट सार्वजनिक गरेको थियो ।

जसका कारण तेल आपूर्ति र क्षेत्रीय द्वन्द्व बढ्ने विषयले तनाव सिर्जना गराएको छ । जसले गर्दा बुधबार अन्तर्राष्ट्रिय तेलको मूल्य नाटकीय रूपमा बढेको छ ।

न्यूयोर्क मर्कन्टाइल एक्सचेन्जमा जुलाई डेलिभरीको लागि हल्का कच्चा तेलको फ्युचर्सको मूल्य ९६ सेन्टले बढेको छ ।  जुन १.६ प्रतिशतले बढेको हो । जबकि जुलाई डेलिभरीको लागि ब्रेन्ट कच्चा तेलको फ्युचर्स ९७ सेन्टले बढेको छ जुन १.५ प्रतिशतले बढेको हो ।

इरान पेट्रोलियम निर्यातकर्ता देशहरूको संगठन (ओपेक)मा तेस्रो ठूलो तेल उत्पादक हो र इजरायलको हडतालले इरानबाट तेल आपूर्ति अवरुद्ध हुन सक्ने अनुमान गरिएको छ । (सीसीटीभीप्लस)

काठमाडौं । बिहीबार नेपाली बजारमा सुनको मूल्य बढेको छ । नेपाल सुनचाँदी व्यवसायी महासङ्घका अनुसार आज सुन तोलामा प्रतितोला एक हजार ७०० रुपैयाँले बढेको हो ।

बुधबार १ लाख ८९ हजार ८०० रुपैयाँमा कारोवार भएको छापावाला सुन आज प्रतितोला १ लाख ९१ हजार ५०० रुपैयाँमा कारोवार भैइरहेको छ ।  

यसैबीच चाँदीको मूल्य पनि बढेको छ । अघिल्लो दिन तोलामा १ हजार ९९० रुपैयाँ कायम भएको चाँदीको मूल्य बिहीबार बढेर २ हजार २५ रुपैयाँ कायम भएको हो ।

काठमाडौं । आज नेपाली बजारमा सुनको मूल्य एकैचोटी तोलामा ५ हजार रुपैयाँ बढेको छ । मंगलबार छापावाल सुन तोलामा १ लाख ८४ हजार ८ सय रुपैयाँ कायम भएको थियो । 

बुधबार छापावाल सुनको मूल्य बढेर १ लाख ८९ हजार ८ सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । 

यस्तै चाँदीको मूल्य पनि बढेको छ । मंगलबार तोलामा १ हजार ९ सय ४० रुपैयाँ कायम भएको चाँदीको मूल्य बुधबार बढेर तोलामा १ हजार ९ सय ९० रुपैयाँ पुगेको हो । 

काठमाडौं । नेपाली बजारमा सोमबार सुनको मूल्य बढेको छ । नेपाल सुनचाँदी व्यवसायी महासंघका अनुसार आज छापावाला सुन तोलामा ६ सय रुपैयाँले वृद्धि भएको छ । 

आइतबार १ लाख ८४ हजार २ सय रुपैयाँमा कारोवार भएको सुन आज १ लाख ८४ हजार ८ सय रुपैयाँमा कारोवार भैइरहेको छ ।

यसैगरी आज चाँदीको मूल्य  भने स्थिर रहेको छ । आइतबार १९ सय ४५ रुपैयाँमा कारोवार भएको चाँदी आज पनि सोही मूल्यमा कारोवार भैइरहेको छ ।

काठमाडौं । साताको पहिलो दिन आज नेपाली बजारमा सुनको मूल्यमागिरावट देखिएको छ ।

नेपाल सुनचाँदी व्यवसायी महासंघका अनुसार यसअघि प्रतितोला एक लाख ८४ हजार ८०० रुपैयाँमा कारोबार भएको सुन आज घटेर एक लाख ८४ हजार २०० रुपैयाँ कायम भएको हो  । यता, चाँदीको मूल्य भने स्थिर रहँदै प्रतितोलाएक हजार ९४५ रुपैयाँमा कारोबार भइरहेको छ ।